Mike Tyson keppir í dúfu-kappflugi

Animal Planet sjónvarpsstöðin mun taka til sýninga athyglisverðan raunveruleikaþátt. Þar er í aðalhlutverki hnefaleikagoðsögnin Mike Tyson en hann hnýtir bagga sína ekki sömu hnútum og samferðarmennirnir.

Þættirnir munu heita „Taking on Tyson" en þar mun vera keppt í dúfu-kappflugi. Þar mun Tyson keppa við reynda dúfu-þjálfara en fær aðstoð frá litríkum hópi sérfræðinga.

Dúfur hafa verið áhugamál hjá Tyson allt hans líf og hann hefur ræktað þessa fugla lengi. Hann hefur þó aldrei áður keppt í þessari áhugaverðu íþrótt.

Upptökur á þáttunum fara fram í New York og hefjast sýningar snemma á næsta ári.