Forstjóri biðst afsökunnar á verstu viðskiptum áratugarins

Fjölmiðlar í Bandaríkjunum hafa lengi kallað hann versta forstjóra í sögu landsins. Nú hefur hann sjálfur stigið fram og beðist afsökunnar á því sem hann telur vera „verstu viðskiptin í sögu áratugarins".

Maðurinn sem hér um ræðir er Jerry Levin fyrrverandi forstjóri hjá Times Warner. Og kaupin sem hann hefur beðist afsökunnar á er þegar Times Warner festi kaup á netfyrirtækinu AOL þegar netbólan svokallaða náði hámarki skömmu eftir síðustu aldamót. Kaupin voru fjármögnuð með hlutafé Times Warner og runni fyrirtækin saman í eitt með þeim.

Afsökun Levin kom fram í þætti á CNBC sjónvarpsstöðinni sem er einn þeirra fjölmiðla sem kosið hafa Levin sem versta forstjóra í sögu Bandaríkjanna.

„Ég stóð að baki verstu kaupum áratugarins og ég tel að tími sé kominn til að fólk sem stjórnar fyrirtækjum standi upp og segi, „vitið þið hvað, ég og ég einn ber ábyrgð á þessu"." segir Levin.

Levin bætti því svo við að hann bar ábyrgðina á kaupunum á AOL. „Ég er virkilega miður mín yfir þem sársauka og tapi sem ég olli. Mín er ábyrgðin." Levin hvetur jafnframt forstjóra að koma fram og viðurkenna ábyrgð sína á slæmum viðskiptum og ákvörðunum.

Í dag rekur Jerry Levin ásamt konu sinni áfengismeðferðarstöð í Santa Monica í Kaliforníu.