Nadal vann US Open

Spænski tenniskappinn Rafael Nadal skráði nafn sitt í sögubækurnar í nótt er hann sigraði Novak Djokovic í úrslitum US Open.

Nadal varð þar með aðeins sjöundi maðurinn í sögunni sem nær að vinna öll fjögur risamótin í tennis.

Nadal vann í fjórum settum í gær en leiknum var frestað um tvo tíma vegna rigningar. Nadal tapaði fyrsta settinu en kom til baka og vann næstu þrjú og þar með leikinn. Það tók hann 3 tíma og 43 mínútur að klára dæmið.

Spánverjinn er aðeins 24 ára gamall og er yngstur þessara sjö tenniskappa sem hafa náð sigri í öllum mótunum fjórum.