Ólíklegt að Juventus fái Benítez

Manuel Garcia Quilon, umboðsmaður Rafa Benítez, segir að skjólstæðingur sinn hyggist standa við samning sinn við Liverpool. Samningurinn er til ársins 2014.

Quilon viðurkennir þó að staða Benítez gæti breyst vegna fjárhagsstöðu félagsins. Félagið gæti verið selt á næstu mánuðum.

Benítez hefur verið orðaður við Juventus og Real Madrid. Ítalska félagið Juventus leggur allt kapp á að fá Benítez til sín en liðið er sem stendur í sjötta sæti á ítalíu og minnkar möguleiki þess að fá Spánverjann ef það nær ekki Meistaradeildarsæti.