Capello: Pellegrini er að standa sig frábærlega með Real

Enski landsliðsþjálfarinn Fabio Capello hrósar Manuel Pellegrini, þjálfara Real Madrid, í hástert fyrir vinnu hans með félagið í vetur.

„Pellegrini hefur staðið sig frábærlega. Liðið hefur fengið mörg stig undir hans stjórn og er á undan Barcelona í deildinni," sagði Capello sem hefur einnig þjálfað spænska stórliðið.

Capello segir að það séu þrír leikmenn í heiminum sem geti unnið leiki upp á eigin spýtur.

„Cristiano Ronaldo, Lionel Messi og Wayne Rooney eru mennirnir sem geta þetta. Næstu menn á eftir eru Sergio Aguero og Pato. Framtíðin er þeirra," sagði Ítalinn.