NFL-deildin sektar Brett Favre

Hinn glæsti ferill NFL-goðsagnarinnar, Brett Favre, virðist ætla að fá leiðinlegan endi. Liðið hans hefur ekkert getað, hann hefur verið mikið meiddur og missti úr leiki í fyrsta skipti á ferlinum.

Nú hefur NFL-deildin sektað hann um 50 þúsund dollara. Ástæðan er sú að hann var tregur til að aðstoða við rannsókn deildarinnar á meintri kynferðislegri áreitni leikmannsins. Honum er gefið að sök að hafa sent kvenkyns starfsmanni NY Jets vafasamar myndir.

Sú rannsókn hefur engu skilað og deildin virðist ekki geta sannað neitt vafasamt á Favre sem væntanlega sleppur með þessa sekt fyrir að neita að aðstoða við rannsóknina.