Nýr tískurisi: Calvin Klein kaupir Tommy Hilfiger

Tískurisinn Calvin Klein er orðinn að stærsta fatafyrirtæki veraldar eftir að eigandi þess, Philip-Van Heusen keypti Tommy Hilfiger fatafyrirtækið. Salan var tilkynnt í dag en Van Heusen greiddi 2,2 milljarða evra fyrir meirihluta í fatafyrirtækinu.

Á meðal tískufyrirtækja sem Van Heusen á eru merkin Van Heusen, Arrow, IZOD og Bass.

Tommy Hilfiger var stofnað árið 1985 og var þá markaðssett sem föt fyrir karlmenn. Síðar fór fyrirtækið að framleiða ilmvötn og kvenna- og barnaföt.

Hlutabréf í fyrirtæki Van Heusen hækkuðu um 9 prósent í dag eftir að salan var tilkynnt.