Viðskipti erlent

Dönsku jólasteikinni bjargað, verkfalli aflýst

Búið er að aflýsa verkfalli gæðaeftirlitsmanna í dönskum sláturhúsum og hófu þeir vinnu aftur í morgun.

Um tíma leit út fyrir að verkfallið hefði það í för með sér að margar danskar fjölskyldur yrðu af hefðbundinni jólasteik sinni eins og við sögðum frá í fréttum í morgun. Því hefur nú verið bjargað fyrir horn.

Verkfallið skall á í gærdag þegar Matvælaeftirlit Danmerkur sagði upp nokkrum staðbundnum samningum við gæðaeftirlitsmennina. Verkfallið leystist þegar Matvælaeftirlitið ákvað að falla frá þessum áformum sínum.








Tengdar fréttir

Verkfall veldur skorti á jólasteikum í Danmörku

Gæðaeftirlitsmenn í dönskum sláturhúsum eru farnir í verkfall. Því er óljóst hvort margar danskar fjölskyldur fái hina hefðbundu svínasteik sína í hús fyrir jólin.



Mest lesið


Fleiri fréttir

Sjá meira


×

Mest lesið