Indianapolis sigurstranglegra

Hinn árlegi leikur um Ofurskálina í ameríska fótboltanum, Super-Bowl, verður í kvöld.

Indianapolis Colts er sigurstranglegra fyrir þennan úrslitaleik gegn New Orleans Saints samkvæmt veðbönkum.

Colts er að leika í þessum úrslitaleik í annað sinn á fjórum árum og hefur gríðarlega reynslumikið lið.

New Orleans hefur hinsvegar gríðarlega öflugt sóknarlið og hefur skorað yfir 30 stig að meðaltali í leik í vetur.

Saints hefur aldrei unnið NFL-titil og er að taka þátt í sínum fyrsta Ofurskálarleik í 43 ára sögu félagsins. Drew Brees er leikstjórnandi Saints en hann er 31. árs.

Peyton Manning, leikstjórnandi Colts, býst við mjög erfiðum leik. „Við' erum að fara að keppa við frábært lið," segir Manning sem leiddi liðið til sigurs fyrir fjórum árum.