Viðskipti erlent

Býður 1,6 milljóna lán með 0% vöxtum í eitt ár

Handelsbanken í Svíþjóð býður nú upp á 100.000 sænskra kr. lán, eða 1,6 milljón kr., með 0% vöxtum í eitt ár. Lánið er ekki bundið við Svíþjóð því samkvæmt frétt á börsen.dk geta Danir einnig fengið þessi lán hjá bankanum.

Og það eru engin skilyrði sem fylgja láninu fyrir utan að það skal greiðast eftir eitt ár. Að vísu er krafist trygginga fyrir upphæðinni til dæmis veð í fasteign.

Handelsbanken segir að með þessu sé bankinn að leggja sitt af mörkum til að koma efnahagslífi Svíþjóðar í gang.

Börsen.dk ræðir við Bengt Carlsson talsmann Handelsbanken um málið sem segir að engar sérreglur gildi um lántökuna þannig að fólk þarf ekki að óttast að fá einhvern bakreikning eftir árið um hærri vexti af láninu.

Hvað varðar möguleika Dana á að fá þessi lán segir Carlsson að það sé engum vandræðum bundið svo framarlega sem viðkomandi eigi eignir í Svíþjóð. „Þetta er ekki vandmál fyrir Dani sem eiga íbúð í Svíþjóð en vinna í Danmörku," segir Carlsson en bætir því við að aðrir Danir þyrftu að flytja launareikning sinn til Handelsbanken til að fá lánið.



Mest lesið


Fleiri fréttir

Sjá meira


×

Mest lesið