Verður Stallworth ákærður fyrir manndráp?

Eins og Vísir greindi frá í gær þá varð NFL-leikmaðurinn Donte Stallworth valdur að dauða manns í Miami er hann keyrði á hann. Nú hafa borist fregnir af því að Stallworth hafi verið yfir leyfilegum áfengismörkum þegar slysið átti sér stað.

Samkvæmt fréttum þá mældist áfengismagnið í blóði Stallworth .12 en leyfilegt magn er .08. Lögreglan í Miami hefur ekki staðfest þær fréttir en reynist þær réttar verður Stallworth að öllum líkindum ákærður fyrir manndráp.

Stallworth er öflugur útherji sem gerði það gott með frábæru liði New England Patriots en hann spilar nú með Cleveland Browns.