Ekki eyða um efni fram

Með hunrdað milljóna punda auð í vasanum er Simon Cowell líklega síðasti maðurinn sem þú vilt heyra gefa ráð um hvernig megi sigrast á efnahagskreppunni. Fyrir tuttugu árum missti Simon sig hinsvegar aðeins í lántökum og í kjölfarið missti hann húsið sitt, spariféð og Porche bifreið sína. Það má því segja að hann geti samsvarað sér með illa stöddum almúganum sem fylgist með sjónvarpsþáttum hans.

Þetta kemur fram í ítarlegu viðatli Simons við The Sun í dag. „Ekki gleyma því að ég átti sjálfur í fjárhagserfiðleikum fyrir tuttugu árum síðan. Fall mitt má rekja til svipaðra aðstæðna og eru í dag. Hlutabréfamarkaðurinn féll og ég fékk of mikið lánað. Staða mín var neikvæð og ég skuldaði bankanum alltof mikið."

Simon hefur hinsvegar ákveðið að draga fram það jákvæða á þessum erfiðum tímum. „Það hljómar kannski asnalega, en minningar mínar frá þessum tíma eru alls ekki slæmar vegna þess að ég lifði langt um efni fram. Ég trúið öllu ruglinu sem ráðgjafar sögðu mér og fékk síðan stórann skell. En ég saknaði einskis af þessu, ekki hússins né bílsins, því ég hafði ekki efni á því."

„Allt það sem faðir minn kenndi mér fyrir 30 eða 40 árum síðan á enn við í dag. Ekki lifa um efni fram, þú færð ekkert fyrir ekkert, þú verður að leggja hart að þér, vera þolinmóður og og trúa á gæði. Það mun taka okkur tíma að komast aftur á lappir en hlutirnir voru ekki eðlilegir."