Oliver Stone gerir framhald af myndinni Wall Street

Kvikmyndaleikstjórinn Oliver Stone hefur undirritað saming við Fox um að gera framhald af mynd sinni Wall Street frá árinu 1987.

Samkvæmt frétt um málið í The Hollywood Reporter hefur leikarinn Michael Douglas samþykkt að taka aftur að sér hlutverk fjármálamannsins Gordon Gekko en Douglas hlaut Óskarsverðlaunin fyrir það hlutverk á sínum tíma.

Til tals hefur komið að Shia LaBeouf taki að sér hlutverk lærlings Gekko í hinni nýju mynd.

Vinnuheitið á framhaldinu er einfaldlega Wall Street 2. Handritið mun var tilbúið en það er skrifað af Allan Loeb.

Lítið hefur kvisast um atburðarrásina í framhaldsmyndinni annað en að Gekko mun aftur taka að sér að leiðbeina og stýra lærlingi um hákarlabúrið á markaðinum í New York.