Kaupþing dottið af lista Forbes

Kaupþing banki, sem var í 593 sæti á lista Forbes, yfir stærstu 2000 fyrirtæki heims í fyrra er dottinn út af listanum. Þetta þarf ef til vill ekki að koma á óvart enda hrundi bankinn í október og enn hefur ekki tekist að ljúka við gerð efnahagsreiknings hans að nýju.

Í fyrsta sæti listans er annars General Electrics, í öðru sæti Royal Dutch Shell og í þriðja sæti Toyota Motors. Listi Forbes byggir ekki á einni mælingu eins og sölutölum eða eignum heldur er notað vegið meðaltal sölutalna, hagnaðar, eigna og markaðsvirðis til að finna stærð fyrirtækisins.

1 General Electric

2 Royal Dutch Shell

3 Toyota Motor

4 ExxonMobil

5 BP United Kingdom

6 HSBC Holdings

7 AT&T

8 Wal-Mart Stores

9 Banco Santander

9 Chevron