Enn lækkun á mörkuðum í Asíu

Hlutabréf féllu í verði á mörkuðum í Asíu í morgun og voru það meðal annars bréf banka og flugfélaga sem urðu fyrir þeirri lækkun.

Bréf ástralska bankans Australia & New Zealand Banking Group lækkkuðu um 2,1 prósent og flugfélagið Qantas Airways, einnig þar í landi féll í verði um 3,4 prósent.

Þá kemur sölusamdráttur í bílageiranum víða niður en bréf Bridgestone, umfangsmesta hjólbarðaframleiðanda heims, lækkuðu um 6,6 prósent.