Örebro lagði Kristianstad

Örebro vann í kvöld 3-1 sigur á Kristianstad í Íslendingaslag í sænsku úrvalsdeildinni í knattspyrnu.

Ólína Guðbjörg Viðarsdóttir lék allan leikinn fyrir Örebro en Edda Garðarsdóttir var ekki í leikmannahópi liðsins í kvöld.

Fjórir Íslendingar voru í byrjunarliði Kristianstad sem Elísabet Gunnarsdóttir þjálfar.

Guðný Björk Óðinsdóttir, Erla Steina Arnardóttir og Margrét Lára Viðarsdóttir léku allan leikinn en Hólmfríði Magnúsdóttur var skipt af velli á 76. mínútu.

Örebro er í fimmta sæti deildarinnar með 35 stig en Kristianstad í því tíunda með níu stig. Liðið er einu stigi frá fallsæti en fjórar umferðir eru eftir af tímabilinu.