Mourinho er sá besti

Jose Mourinho verður seint valinn vinsælasti keppandinn í ítalska boltanum og því kemur alltaf jafn mikið á óvart þegar einhver á Ítalíu hrósar honum.

Mourinho á hauk í horni þar sem Luciano Spalletti, fyrrum þjálfari Roma er, en hann segir Mourinho vera besta stjórann á Ítalíu.

„Hvað var ég að yfirgefa á Ítalíu? Nánast ósigrandi Inter-lið. Þetta Inter-lið hefur allt til þess að vinna annað árið í röð," sagði Spalletti sem þjálfari Zenit í dag.

„Mér líkaði betur við fyrri útgáfuna af Mourinho. Þá lofaði hann að ræða ekki um dómara og hrósaði andstæðingum sínum. Hann er orðinn of ítalskur núna. Hann skilur að úrslit skipta öllu og hefur aðlagast. Hann er samt enn sá besti," sagði Spalletti.