Tveir leikmenn Falcons handteknir

Leikmenn í NFL-deildinni halda áfram að láta góma sig drukkna undir stýri og nú síðast var það Eric Weems, leikmaður Atlanta Falcons. Hann er annar leikmaður Falcons sem er handtekinn á einni viku.

Weems var handtekinn á bílnum einum fimm dögum fyrir leik gegn NY Giants. Hann spilaði reyndar leikinn og skoraði eitt snertimark.

Weems fékk frekar væga sekt fyrir brotið og verða ekki frekari eftirmálar. Hvorki af hálfu lögreglunnar, Falcons eða NFL-deildarinnar.

Útherjinn baðst afsökunar á athæfi sínu í yfirlýsingu og sagði atvikið vera afar neyðarlegt.

Nokkrum dögum áður en Weems fékk sér í glas og keyrði heim var Jonathan Babineaux handtekinn með einhvern slatta af marijúana á sér. Hann á yfir höfði sér einhverja refsingu fyrir það.