Fyrrverandi bankastjóra Hróarskeldubanka stefnt

Stjórn Hróarskeldubanka hefur tilkynnt að bankinn muni stefna Niels Valentin Hansen, sem stjórnaði bankanum áður en hann varð þjóðnýttur fyrir um ári síðan vegna lausafjárvandræða.

Í skýrslu sem stjórn bankans hefur látið gera er Hansen sagður ábyrgur fyrir vandræðum bankans. Hann var forstjóri bankans á árunum 1978-2007, en hann hefur vísað frá sér allri ábyrgð á vandræðum bankans, samkvæmt frásögn Copenhagen Post.

Auk þess sem bankinn krefst skaðabóta frá Hansen sér hann einnig fram á 18 mánaða fangelsi fyrir að hafa í apríl 2007 tekið ákvörðun um að auka hlutafé í bankanum með því að láta Hróaskeldubanka kaupa 22% hlut í sjálfum sér. Fyrrverandi stjórn bankans og endurskoðendafyrirtækinu Ernst & Young verður einnig stefnt vegna gagnrýniverðra ákvarðana í tengslum við rekstur bankans.