Stankovic verður boðinn nýr samningur

Samkvæmt ítölskum fjölmiðlum í morgun þá ætlar Inter að bjóða Dejan Stankovic nýjan samning við félagið sem myndi gilda til ársins 2013.

Núverandi samningur þessa 31 árs gamla leikmanns rennur út árið 2011.

Stankovic hefur farið á kostum í upphafi vetrar og sú frábæra frammistaða hefur orðið til þess að félagið vill gera nýjan samning við leikmanninn.

Stankovic hefur verið í herbúðum félagsins síðan árið 2004 er hann kom frá Lazio. Hann virtist vera á förum sumarið 2008 er Mourinho kom til félagsins enda var hann upprunalega ekki í plönum Portúgalans.

Serbinn hefur þó unnið "The Special one" á sitt band með vinnusemi sinni og dugnaði.