Reykjavíkur-Víkingar unnu fyrsta sigurinn sinn í sumar

Reykjavíkur-Víkingar unnu í kvöld sinn fyrsta leik sinn í 1. deild karla undir stjórn Leifs Garðarssonar sem tók við liðinu fyrir tímabilið. Víkingur hafði aðeins náði í eitt stig út úr fyrstu þremur leikjunum sínum en vann nú 2-1 sigur á Þór Akureyri í Víkinni.

Það var Jakob Spangsberg Jensen sem skoraði bæði mörk Víkinga í fyrri hálfleik eða á 10. og 36. mínútu en Einar Sigþórsson minnkaði muninn fyrir norðanmenn á 76. mínútu.

Þórsarar byrjuðu mótið frábærlega með 3-0 sigri á Skagamönnum í fyrstu umferð en hafa síðan tapað þremur leikjum í röð fyrir KA (0-2), ÍR (1-2) og nú Víkingum.