Nadal að snúa aftur til æfinga

Spænski tennismaðurinn Rafael Nadal mun líklega snúa aftur til æfinga á mánudaginn og verður með á Montreal Masters mótinu í ágúst. Nadal gat ekki tekið þátt á Wimbledon-mótinu vegna meiðsla í hné.

„Ég hlakka mikið til að komast af stað aftur," segir hinn 23 ára Nadal sem er í öðru sæti heimslistans. „Meiðslin eru að þróast í rétta átt og sérfræðingar búnir að gefa mér grænt ljós.

Roger Federer nýtti sér fjarveru Nadals og tryggði sér sigur á Wimbledon-mótinu ásamt því að komast í efsta sæti heimslistans.