Ætla að byggja ævintýrahöll á fjallstoppi í Noregi

Fjallað er um málið á vefsíðunni e24.no. Þar segir að mennirnir sem hér um ræðir séu landeigandinn Olav Sæter og arkitektinn Ian Petch. Sæter vill ekki meina að um ævintýrahöll sé að ræða en að byggingin verði einstök og að í henni eigi fólk að geta upplifað nokkuð sem ekki fæst annarsstaðar.

Talið er að það muni kosta um 6 milljarða kr. að byggja höllina en grundvöllurinn að hönnun hennar er tímabil í sögu Surnadal þegar breskir lávarðar heimsóttu dalinn til að stunda þar laxveiðar. Þeir tóku einatt með sér allan búnað sinn, það er fyrir utan veiðigræjurnar, ..."svo þetta verður svoldið ónorskt," segir Sæter í samtali við Estate Magasin.

Ætlunin er að í höllinni verði 87 íbúðir og þeir sem festa kaup á þeim eða leigja mun fá með aðgang að golfvelli, snekkjuhöfn, baðströnd, skíðabrekkum og sundlaug sem sett verður upp í helli við hlið hallarinnar.

Íbúðirnir verða af stærðinni 48 til 150 fermetrar og sú ódýrasta mun kosta rúmlega 40 milljónir kr. Sæter segir að ekki verði hafist handa við byggingu hallarinnar fyrr en allar íbúðirnar eru seldar.