Mike Tyson óttast að verða skotinn

Fyrrum heimsmeistarinn Mike Tyson segist óttast um líf sitt þessa dagana. Hann segist óttast að í framtíðinni fái hann að uppskera eins og hann sáði þegar hann var upp á sitt besta sem "heimsins mesti fantur."

Í viðtali við New York Post á dögunum sagði Tyson að fortíð hans gerði það að verkum að hann ætti sér marga óvini.

"Ég er búinn að vera í fangelsi af því ég var dæmdur fyrir nauðgun. Ég býst við því versta og sumt fólk á eftir að koma illa fram við mig. Ég á alveg eins von á því að verða skotinn einn daginn. Fólki er alveg sama um Mike Tyson og vill trúa því versta upp á mig. Það er enginn að taka upp hanskann fyrir minn svarta rass," sagði Tyson.