Federer í fjórðungsúrslit

Svisslendingurinn Roger Federer tryggði sér í nótt sæti í fjórðungsúrslitum á opna bandaríska meistaramótinu í tennis eftir æsispennandi fimm setta leik við Igor Andreev.

Federer stefnir á að vinna fimmta US Open titil sinn í röð, en sigur hans í nótt var afar tæpur 6-7 (5-7) 7-6 (7-5) 6-3 3-6 og 6-3.Hann mætir Gilles Muller frá Lúxemburg í næstu umferð.

Novak Djokovic lagði Tommy Robredo í hörkuleik 4-6, 6-2, 6-3, 5-7 og 6-3 og mætir Andy Roddick í næstu umferð. Roddick vann auðveldan 6-2, 6-4 og 6-1 sigur á Fernando Gonzales í síðustu umferð.