Ákveðið með áfrýjun eftir fund með saksóknara

Ekki verður ákveðið fyrr en í fyrsta lagi á morgun hvort Birgir Páll Marteinsson áfrýji sjö ára fangelsisdómi sem hann hlaut í Færeyjum í fyrradag fyrir fíkniefnamisferli. Birgir Páll var sýknaður af ákæru um að hafa undirbúið og skipulagt smygl í Pólstjörnumálinu svo kallaða en sakfelldur fyrir vörslu efna í Færeyjum.

Lögfræðingur hans, Olavur Jákup Kristoffersen, sagði í samtali við fréttastofu að hann myndi funda með saksóknara um málið á morgun. Fyrr yrði ekkert ákveðið um hvort refsingunni yrði áfrýjað til Hæstaréttar Danmerkur.