Hannes skoraði í fyrsta sigri GIF Sundsvall

GIF Sundsvall og Ljungskile mættust í sænsku úrvalsdeildinni í kvöld. Bæði lið voru án stiga eftir fyrstu þrjár umferðirnar. Íslendingaliðið Sundsvall var mun sterkara í kvöld og vann 4-0 sigur.

Hannes Þ. Sigurðsson var í byrjunarliðinu og skoraði fjórða markið í leiknum. Hannes fór af velli á 89. mínútu. Sverrir Garðarsson lék allan leikinn í vörn Sundsvall og Ari Freyr Skúlason kom inn sem varamaður á 78. mínútu.

Þá vann Kalmar FF 4-0 sigur á GAIS í kvöld. Jóhann B. Guðmundsson var í byrjunarliði GAIS en var tekinn af velli á 56. mínútu. Eyjólfur Héðinsson byrjaði á varamannabekk GAIS og komm inná á 77. mínútu.