Loeb sigraði í Finnlandsrallinu

Heimsmeistarinn Sebastien Loeb vann í dag sinn fyrsta sigur á ferlinum í Finnlandsrallinu árlega og er fyrir vikið aðeins einu stigi á eftir Finnanum Mikko Hirvonen í stigakeppni heimsmeistaramótsins.

Loeb, sem ekur á Citroen, kom í mark níu sekúndum á undan heimamanninum Hirvonen sem ekur á Ford. Þriðji varð Ástralinn Chris Atkinson.

Hinn 34 ára gamli Loeb var ekki langt frá því að missa niður forskot sitt í dag þegar hann sneri bíl sínum á næstsíðustu sérleiðinni, en hann hafði engu að síður forystu frá fyrstu sérleið í keppninni.

Þetta var 42. sigur þessa frábæra ökumanns á ferlinum og raunar var þetta aðeins í áttunda sinn sem heimamaður nær ekki að vinna sigur í Finnlandskapakstrinum á þeim 58 árum sem hann hefur verið haldinn.

Þetta var níunda keppnin af fimmtán á heimsmeistaramótinu í ralli, en næsta keppni fer fram í Þýskalandi um miðjan mánuðinn.

Staða efstu manna á heimsmeistaramótinu:

1 Mikko Hirvonen Ford 59

2 Sebastian Loeb Citroen 56

3 Jari-Matti Latvala Ford 34

4 Chris Atkinson Subaru 31

5 Daniel Sordo Citroen 30

6 Petter Solberg Subaru 20