Pundið aldrei lægra gagnvart evru

Íslenska krónan er ekkert eyland því gengi breska pundsins hefur lækkað talsvert upp á síðkastið. Er nú svo komið að það hefur aldrei verið lægra gagnvart evru og öðrum gjaldmiðlum.

Daprar horfur í bresku efnahagslífi og snarpar stýrivaxtalækkanir síðustu mánuði skýra lækkun pundsins að mestu í dag, að sögn breska ríkisútvarpsins (BBC), sem bætir við að við lækkun stýrivaxta hafi fjárfestar á gjaldmiðlamarkaði snúið augum sínum annað.

Eitt pund kostaði 1,1450 evrur í morgun og hefur aldrei verið lægra.