Skiptumst á að taka aukaspyrnur

Brasilíumaðurinn Ronaldinho er mjög ánægður með fyrirhugaða komu David Beckham til AC Milan í janúar.

"Beckham er mikill meistari og ég vona að hann verði ánægður hjá okkur. Við eigum eftir að skiptast á að taka aukaspyrnur. Ég hef hitt hann áður og ég er alltaf hrifist af honum," sagði Ronaldinho í samtali við ítalska fjölmiðla.

Landsliðsþjálfarinn Fabio Capello er líka ánægður með Ítalíuför Beckham, en hann er öllum hnútum kunnugur hjá Milan eftir að hafa þjálfað liðið í mörg ár.

"Beckham verður frábær viðbót við liðið ef það gengur frá samningi við hann. Hann er mjög einbeittur og mikill atvinnumaður," sagði Capello, en hann setti Beckham sem kunnugt er út úr hópi Real Madrid þegar hann var þar á sínum tíma.

"Ég setti hann aðeins út úr liðinu af því hann var búinn að semja við LA Galaxy. Hann hinsvegar hélt áfram að æfa vel og því vann hann sér sæti í liðinu aftur," sagði Ítalinn.