Á hraðri leið til...

Portúgölsk samtök sem berjast fyrir betri umferðarmenningu hafa skrifað páfa bréf þar sem þau biðja hann um sjá til þess að prestur nokkur sem á 150 hestafla Ford Fiesta, falli ekki í þá freistni að aka of hratt. Faðir Antonio Rodrigues er eini maðurinn í Portúgal sem á Ford Fiesta 2000 ST. Samtökin segja að hann grobbi sig af því að bíllinn sé enga stund að tæta sig upp í 210 kílómetra hraða, og að hann þakki Guði fyrir að hafa aldrei verið sektaður.

Í bréfi sínu segja hinir áhyggjufullu bílistar; "Við biðjum yðar heilagleika að hjálpa þessum ógæfusama presti til þess að hugsa um alvarleika gjörða sinna og falla ekki í þá freistni að aka of hratt og monta sig af því."