Erlent

Skilur eftir sig látin ungbörn

Frá Flensborg
Frá Flensborg
Þýska lögreglan, í Flensborg, leitar nú ákaft að konu sem á tveim árum hefur skilið eftir sig tvö látin ungbörn, við dönsku landamærin. Ekki er vitað hvort konan er dönsk eða þýsk. Í síðustu viku fannst lík af nýfæddu barni á áningarstað við þjóðveginn rétt handan landamæranna. Það var vafið inn í handklæði og hafði verið sett í innkaupapoka úr plasti.

DNA sýni leiddu í ljós að móðirin var sú sama og skildi eftir látið ungbarn á svipuðum slóðum fyrir ári. Þá fannst konan ekki, en lögreglan í Flensborg vonast til þess að fá nú einhverjar ábendingar sem leiði til handtöku hennar.

Talsmaður lögreglunnar í Flensborg segir að ekkert sérstakt bendi til einhverra tengsla við Danmörku. Ef það komi í ljós muni þeir leita aðstoðar starfsbræðra sinnar þar.

Erlent

Mest lesið


Fleiri fréttir

Sjá meira


×

Mest lesið