Gattuso framlengir við Milan

Harðjaxlinn Gennaro Gattuso hefur framlengt samning sinn við ítalska stórliðið AC Milan til ársins 2011 og fetaði þar með í fótspor Clarence Seedorf félaga síns, en þeir koma til með að klára ferilinn hjá félaginu. Tveir lykilmanna AC Milan fóru hinsvegar á meiðslalistann í dag.

Markvörðurinn Dida meiddist á öxl í síðasta leik og óvíst er að hann spili meira með Milan á leiktíðinni. Þá meiddist framherjinn Inzaghi og verður frá í 3-4 vikur, en þetta kemur á versta tíma fyrir Milan sem er að reyna að ná Evrópusæti í deildinni.