Liverpool með forystu í hálfleik

Liverpool hefur 2-0 forystu gegn Watford á útivelli í hádegisleik enska boltans nú þegar flautað hefur verið til hálfleiks. Peter Crouch og Dirk Kuyt hafa skorað mörk Liverpoool, en knattspyrnustjórinn Rafa Benitez stillir upp einkar sókndjörfu liði í leiknum.

Croch, Kuyt og Craig Bellamy eru allir í byrjunarliði Liverpool í leiknum og virðist samvinna þremenninganna vera að virka sem skyldi, enda sóknarleikur rauða hersins verið með miklum ágætum það sem af er. Á bekknum bíður síðan Robbie Fowler - tilbúinn að setja mark sitt á leikinn í síðari hálfleik.