Kennir örugga trampólínnotkun 26. júní 2007 05:30 Ása Inga Þorsteinsdóttir, fimleikaþjálfari hjá Gerplu í Kópavogi kennir krökkum hvernig á að umgangast garðatrampólín á öruggan hátt. fréttablaðið/hörður Ása Inga Þorsteinsdóttir, þjálfari hjá fimleikafélaginu Gerplu í Kópavogi, heldur námskeið um örugga trampólínnotkun fyrir börn. Hún segir mikilvægt að krakkar hafi góðan grunn í trampólínstökki sem þeir geti svo byggt ofan á. Sjálf æfði Ása fimleika sem barn og sneri sér svo að hópfimleikum um fimmtán ára aldurinn en þeir snúast að miklu leyti um trampólínæfingar. Hún hélt fyrsta garðatrampólínnámskeiðið hjá Gerplu á síðasta ári en var á dögunum með slíkt námskeið hjá fimleikadeild Aftureldingar í Mosfellsbæ. „Mér finnst það mjög sniðugt að halda þessi námskeið fyrir börnin og sérstaklega þau sem hafa engan til að leiðbeina sér sem hefur vit á trampólínnotkun,“ segir Ása og bætir því við að á námskeiðunum fari hún yfir það með krökkunum hvernig þeir eigi að stjórna líkamanum til að halda jafnvægi. „Við byrjum á að fara yfir það hvernig á að halda spennu í líkamanum til að halda jafnvægi á trampólíninu. Það er líka mikið um að krakkar fái illt í bakið þegar þeir hoppa vegna þess að þeir hafa ekki grunnmeðvitund um hvernig þau þurfa að spenna magann og rassinn. Þá kemur hnykkur á mjóbakið þegar þeir lenda og ágerist eftir því sem þeir hoppa meira.“ Ása fer einnig yfir það hvernig krakkarnir eigi að stoppa sig og hvernig nota eigi hendurnar til að halda jafnvæginu. „Þá stökkva þeir ekki út um allt trampólínið heldur halda jafnvægi á ákveðnum punkti.“ Þá segir Ása mjög algengt að slys verði þegar fleiri en einn hoppa á sama tíma. „Ef tveir hoppa í einu gerist það gjarnan að annar missir kraftinn sinn og hinn fer tvöfalt hærra með þeim afleiðingum að hann missir stjórnina í loftinu. Þannig lenda krakkar stundum fyrir utan trampólínið og beinbrotna,“ segir Ása en hún kennir krökkum á námskeiðunum líka leiki sem byggjast á því að skiptast á þannig að einn hoppar í einu. Hún segir krökkunum almennt finnast slíkir leikir mjög skemmtilegir. „Það er allt of algengt að það séu fjórir til fimm krakkar á trampólíninu í einu og það er alveg bannað, að minnsta kosti hjá okkur í Gerplu. Eins sé ég allt of mörg trampólín án öryggisneta en það er mikilvægt að foreldrar séu meðvitaðir um hætturnar sem geta fylgt trampólínum og passi upp á börnin sín.“ Heilsa Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið
Ása Inga Þorsteinsdóttir, þjálfari hjá fimleikafélaginu Gerplu í Kópavogi, heldur námskeið um örugga trampólínnotkun fyrir börn. Hún segir mikilvægt að krakkar hafi góðan grunn í trampólínstökki sem þeir geti svo byggt ofan á. Sjálf æfði Ása fimleika sem barn og sneri sér svo að hópfimleikum um fimmtán ára aldurinn en þeir snúast að miklu leyti um trampólínæfingar. Hún hélt fyrsta garðatrampólínnámskeiðið hjá Gerplu á síðasta ári en var á dögunum með slíkt námskeið hjá fimleikadeild Aftureldingar í Mosfellsbæ. „Mér finnst það mjög sniðugt að halda þessi námskeið fyrir börnin og sérstaklega þau sem hafa engan til að leiðbeina sér sem hefur vit á trampólínnotkun,“ segir Ása og bætir því við að á námskeiðunum fari hún yfir það með krökkunum hvernig þeir eigi að stjórna líkamanum til að halda jafnvægi. „Við byrjum á að fara yfir það hvernig á að halda spennu í líkamanum til að halda jafnvægi á trampólíninu. Það er líka mikið um að krakkar fái illt í bakið þegar þeir hoppa vegna þess að þeir hafa ekki grunnmeðvitund um hvernig þau þurfa að spenna magann og rassinn. Þá kemur hnykkur á mjóbakið þegar þeir lenda og ágerist eftir því sem þeir hoppa meira.“ Ása fer einnig yfir það hvernig krakkarnir eigi að stoppa sig og hvernig nota eigi hendurnar til að halda jafnvæginu. „Þá stökkva þeir ekki út um allt trampólínið heldur halda jafnvægi á ákveðnum punkti.“ Þá segir Ása mjög algengt að slys verði þegar fleiri en einn hoppa á sama tíma. „Ef tveir hoppa í einu gerist það gjarnan að annar missir kraftinn sinn og hinn fer tvöfalt hærra með þeim afleiðingum að hann missir stjórnina í loftinu. Þannig lenda krakkar stundum fyrir utan trampólínið og beinbrotna,“ segir Ása en hún kennir krökkum á námskeiðunum líka leiki sem byggjast á því að skiptast á þannig að einn hoppar í einu. Hún segir krökkunum almennt finnast slíkir leikir mjög skemmtilegir. „Það er allt of algengt að það séu fjórir til fimm krakkar á trampólíninu í einu og það er alveg bannað, að minnsta kosti hjá okkur í Gerplu. Eins sé ég allt of mörg trampólín án öryggisneta en það er mikilvægt að foreldrar séu meðvitaðir um hætturnar sem geta fylgt trampólínum og passi upp á börnin sín.“
Heilsa Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið