Löggur í vanda

Kvikmyndin Chaos verður frumsýnd í Laugarásbíói um helgina en hún segir frá reynsluboltanum Quentin Connors sem tekur fram skjöldinn og byssuna á nýjan leik til að eltast við klókan og miskunnarlausan bankaræningja.

Connors hafði hætt eftir að hafa lent í skelfilegum skotbardaga. Þegar bankaræninginn Lorenz tekur banka í gíslingu ákveður lögreglan að fá lögreglumanninn aftur til starfa og ráða nýliðann Shane Dekker til að aðstoða hann. Þegar Lorenz sleppur úr klóm lögreglunnar kemur í ljós að hann hefur ekki rænt einum eyri heldur komið fyrir vírus í tölvukerfi bankans sem gerir honum kleift að ræna milljörðum með tölvuna eina að vopni. Þar að auki virðist ræninginn vera kaldrifjaður morðingi og tekur samstarfsmenn sína miskunnarlaust af lífi.

Það eru breski harðhausinn Jason Stratham og Wesley Snip-es sem eigast við í þessari hasarmynd Tony Giglio en meðal annarra má nefna Ryan Phillippe sem ætti að vera Íslendingum að góðu kunnur fyrir leik sinn í Flags of our Fathers.