Fyrirspurnir frá draumaborginni hafa sexfaldast 15. janúar 2007 07:45 Stærsta verkefnið. Gerð kvikmyndarinnar Flags of our Fathers er talin hafa skilað hundruðum milljóna til íslenskra aðila. „Það hefur átt sér stað mikil vakning um Ísland meðal erlendra kvikmyndagerðarmanna,“ segir Einar Tómasson hjá Film in Iceland. „Fyrirspurnir hafa sexfaldast á undanförnum árum og hækkun á endurgreiðslu í fjórtán prósent skipti þar miklu máli,“ útskýrir hann. Á undanförnum árum hafa kvikmyndir á borð við Tomb Raider, Batman Begins og James Bond-myndin Die Another Day verið að hluta til teknar upp á Íslandi en eitt stærsta verkefnið var án nokkurs vafa Flags of our Fathers þar sem Clint Eastwood lagði Sandvík á Reykjanesi undir sig í nokkrar vikur en reikna má með að dvöl tökuliðsins hafi skilað hundruðum milljóna til baka. Helga Margrét Reykdal hjá True North staðfestir þetta en vill ekki gefa upp nákvæma tölu, það sé trúnaðarmál. Hún segir að aðstæður skipti miklu máli fyrir áhugann og nefnir þar sérstaklega gengi krónunnar. „En fyrirspurnirnar eru alltaf jafn margar,“ segir hún. „Að fá erlent kvikmyndagerðarfólk til landsins er atriði sem skiptir miklu máli fyrir litla þjóðarbúskapinn okkar.“ Einar Sveinn, markaðsstjóri hjá Pegasus, segist finna vel fyrir auknum áhuga hjá erlendu kvikmyndagerðarfólki sem vilji koma hingað til lands. Hann segist ekki vita til þess að jafn stórt verkefni og Flags of our Fathers sé á teikniborðinu en upplýsir að Pegasus sé með í pottinum nokkrar bitastæðar kvikmyndir sem gætu ratað hingað upp á land. „Í þessum iðnaði er betra að segja minna heldur en meira,“ svara Einar sem vildi ekki gefa upp hverjir það væru sem sýnt hefðu landi og þjóð áhuga. Hjá Saga Film fengust þær upplýsingar að stórt verkefni væri í burðarliðnum en framleiðandinn Jón Bjarni Guðmundsson var þögull sem gröfin og vildi ekkert tjá sig um málið. „Þetta er ekki jafn viðamikið og Flags of our Fathers en tökudagarnir verða fleiri,“ útskýrir Jón Bjarni og segir að mjög stórt nafn í Hollywood sé að lesa handritið yfir en sagðist ekki geta upplýst hver það væri að svo stöddu. „Við náum henni vonandi, ef ekki á þessu ári þá á því næsta,“ segir Jón Bjarni. Hann tók hins vegar undir með Helgu Margréti og sagði að ytri aðstæður gætu oft skipt sköpum. „Við getum ráðið við veðrið en ekki við hátt matarverð.“ Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Magnaðar myndir af lengstu á landsins Lífið Lítill bróðir mættur: „Fullkominn, stór og sterkur“ Lífið Segir Murphy gera lítið úr kynferðisofbeldi Bíó og sjónvarp Seldu Kolbeini Sigþórs og keyptu í miðbænum Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
„Það hefur átt sér stað mikil vakning um Ísland meðal erlendra kvikmyndagerðarmanna,“ segir Einar Tómasson hjá Film in Iceland. „Fyrirspurnir hafa sexfaldast á undanförnum árum og hækkun á endurgreiðslu í fjórtán prósent skipti þar miklu máli,“ útskýrir hann. Á undanförnum árum hafa kvikmyndir á borð við Tomb Raider, Batman Begins og James Bond-myndin Die Another Day verið að hluta til teknar upp á Íslandi en eitt stærsta verkefnið var án nokkurs vafa Flags of our Fathers þar sem Clint Eastwood lagði Sandvík á Reykjanesi undir sig í nokkrar vikur en reikna má með að dvöl tökuliðsins hafi skilað hundruðum milljóna til baka. Helga Margrét Reykdal hjá True North staðfestir þetta en vill ekki gefa upp nákvæma tölu, það sé trúnaðarmál. Hún segir að aðstæður skipti miklu máli fyrir áhugann og nefnir þar sérstaklega gengi krónunnar. „En fyrirspurnirnar eru alltaf jafn margar,“ segir hún. „Að fá erlent kvikmyndagerðarfólk til landsins er atriði sem skiptir miklu máli fyrir litla þjóðarbúskapinn okkar.“ Einar Sveinn, markaðsstjóri hjá Pegasus, segist finna vel fyrir auknum áhuga hjá erlendu kvikmyndagerðarfólki sem vilji koma hingað til lands. Hann segist ekki vita til þess að jafn stórt verkefni og Flags of our Fathers sé á teikniborðinu en upplýsir að Pegasus sé með í pottinum nokkrar bitastæðar kvikmyndir sem gætu ratað hingað upp á land. „Í þessum iðnaði er betra að segja minna heldur en meira,“ svara Einar sem vildi ekki gefa upp hverjir það væru sem sýnt hefðu landi og þjóð áhuga. Hjá Saga Film fengust þær upplýsingar að stórt verkefni væri í burðarliðnum en framleiðandinn Jón Bjarni Guðmundsson var þögull sem gröfin og vildi ekkert tjá sig um málið. „Þetta er ekki jafn viðamikið og Flags of our Fathers en tökudagarnir verða fleiri,“ útskýrir Jón Bjarni og segir að mjög stórt nafn í Hollywood sé að lesa handritið yfir en sagðist ekki geta upplýst hver það væri að svo stöddu. „Við náum henni vonandi, ef ekki á þessu ári þá á því næsta,“ segir Jón Bjarni. Hann tók hins vegar undir með Helgu Margréti og sagði að ytri aðstæður gætu oft skipt sköpum. „Við getum ráðið við veðrið en ekki við hátt matarverð.“
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Magnaðar myndir af lengstu á landsins Lífið Lítill bróðir mættur: „Fullkominn, stór og sterkur“ Lífið Segir Murphy gera lítið úr kynferðisofbeldi Bíó og sjónvarp Seldu Kolbeini Sigþórs og keyptu í miðbænum Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira