Himinlifandi að kaupin séu gengin í gegn

„Ég er að sjálfstögðu himinlifandi með að þetta sé gengið í gegn," sagði Eggert Magnússon, verðandi stjórnarformaður West Ham United, í samtali við NFS skömmu eftir að hann hafði fundað með stjórn félagsins vegna kaupa Eggerts og félaga á knattspyrnufélaginu.

„Ég er búinn að vinna að málinu í um sex vikur, sem er í sjálfu sér ekki mikill tími, en síðustu tvær vikur hafa verið mjög annasamar. En nú er málið í höfn og mér leið vel þegar ég gekk út á völlinn áðan með Alan Pardew, knattspyrnustjóra liðsins, og við settum á okkur trefil liðsins," sagði Eggert enn fremur

Eggert verður kynntur sérstaklega sem nýr stjórnarformaður liðsins fyrir stuðningsmönnum þess á heimaleik West Ham gegn Sheffield United í ensku úrvalsdeildinni á laugardag.