Leit að strokufanga stendur enn yfir

Lögreglan í Reykjavík leitar enn að strokufanganum Ívari Smára Guðmundssyni. Ívar er refsifangi af Litla Hrauni og er að afplána 20 mánaða dóm vegna fíkniefnamála. Hann strauk frá fangaflutningsmönnum, sem starfa á Litla-Hrauni, við Héraðsdóm Reykjavíkur um kl. 15:00 í dag. Hann var klæddur í svartan stuttermabol og græna hettupeysu þegar hann hljóp frá þeim. Ívar er 26 ára gamall og um 180 sentimetrar á hæð.

Þeir sem geta gefið upplýsingar um ferðir Ívars eru vinsamlega beðnir um hafa samband við lögregluna í Reykjavík í síma 444-1000.

Telur lögregla ástæðu til að ætla að Ívar Smári geti verið varasamur.