Tuttugu gefa kost á sér

Tuttugu manns gefa kost á sér í prófkjör Sjálfstæðisflokksins á Akureyri fyrir sveitarstjórnarkosningarnar í vor, en prófkjörið verður ellefta febrúar.

Athygli vekur að aðeins sex konur gefa kost á sér en fjórtán karlar. Ekkert liggur þó fyrir um það hvort niðurstaðan úr prófkjöri flokksins í Garðabæ um síðustu helgi, þar sem fjórir karlar röðuðu sér í efstu sætin, hafi haft letjandi áhrif á konur fyrir norðan, en stjórn Landssambands Sjálfstæðiskvenna ætlar að koma saman til fundar í dag, til að fjalla um úrslitin þar.