Bolton stöðvaði sigurgöngu Liverpool

Bolton og Liverpool skildu jöfn í ensku úrvalsdeildinni í dag 2-2 í hörkuleik. Það voru Jaidi og Diouf sem skoruðu mörk heimamanna, en Gerrard og Garcia skoruðu fyrir Liverpool.

Birmingham vann mjög dýrmætan sigur á Wigan 2-0 með mörkum frá Pennant og Melchiot. Everton vann sömuleiðis langþráðan sigur þegar liðið lagði Charlton 3-1. Cahill skoraði tvö mörk fyrir Everton og Beattie eitt úr víti, en Holland skoraði mark Charlton.

Fulham lagði Sunderland 2-1 með tveimur mörkum frá Collins John, en Lawrence skoraði fyrir Sunderland. Heiðar Helguson var á varamannabekk Fulham og spilaði hálfan leikinn þrátt fyrir smávægileg meiðsli. Loks gerðu Newcastle og Middlesbrough jafntefli 2-2. Solano og Clark gerðu mörk Newcastle, en Yakubu og Hasselbaink skoruðu mörk Boro.