Margt um Mannakorn 16. desember 2006 13:30 Klassastöff eftir karlana sem eldast vel. Sjörnur: 4 Tveir diskar detta í fangið á hlustandanum: Ekki dauðir enn og Jól með Mannakornum. Sá fyrri skrapp úr pressunum í vor og geymir upptökur frá þrítugsafmæli hljómsveitarinnar, hinn seinni nýkominn og geymir sígildar jólaperlur. Báðir diskarnir koma út hjá forlaginu Sögur. Á afmælissafninu eru sextán lög úr safni Magnúsar Eiríkssonar, ýmist sungin af honum sjálfum eða Pálma Gunnarssyni, en þeir bræður eru um langt skeið búnir að vera ásinn í þessu sérkennilega safnbandi sem hefur allar götur frá upphafi verið ögn á skjön við flesta aðra. Þar ræðst mest um söngva Magnúsar sem eru margir orðnir þjóðareign. Hann er einn stórra lagasmiða tuttugustu aldarinnar, þegar búinn að reisa sér marga minnisvarða sem standa svo lengi menn vilja syngja blúsuð raullög. Úr þeirri deildinni er tónlist Magnúsar, samtvinnað lag og ljóð í þreifingu gítaristans uns úr er orðið sönglag sem gefur túlkandanum færi á að dýpka ljóðið enn. Magnús er listamaður af guðs náð - sitji sá skýin. Þá eru fáir íslenskir rafmagnsgítaristar sem hafa sótt sérstaka og sína hljóma inn í hljóðfæri sitt. Það sannast raunar eftirminnilega á þessum hljómleikadiski. Söngrödd hans er ekki eins þýð og Pálma, en megnar þrátt fyrir þröngt svið að ná blæbrigðum sem betri söngvarar eignast bara á óskastundum. Hér er fín blanda af slagarastemningunni, sárari söngvum og skemmtilögum. Alltaf er þetta framborið af ofstækislausri og fágaðri spilamennsku. Taka verður fram glæsilegan þátt Þóris Úlfarssonar á orgel. Margt með nýju eða öðru sniði en áður var og oftast. Bandið gæti látið hærra en býður nettum hljóðheimi Salarins en þarf þess ekki. Það hefur aldrei þurft að láta hátt: eftirminnilegustu ópusarnir eru Enginn eins og þú, Ómissandi fólk og andstöðusöngurinn Göngum yfir brúna. Hinn diskurinn er önnur Anna: líklega meira sprottinn fram fyrir framkvæmdasemi Pálma sem hefur lengi sótt á jólamiðin. Safnið enda smærra, aðeins ellefu lög, flutt af þeim félögum og nokkrum gestasöngvurum: Sigga og Ragnheiði Helgu Pálmabörnum, Hrund Ósk Árnadóttur. Lagasafnið sækja þeir í þann aragrúa jólalaga sem hljómplötuiðnaðurinn hefur komið á framfæri á liðnum áratugum: tvö þeirra eiga þeir Magnús og Pálmi, restin er amerískrar ættar. Allt er hér vel unnið, söngur víða í væmnara lagi, einkum hjá Pálma, Magnús er eins og kyndugur álfur út úr hól, Sigurður og Ragnheiður gera vel. Uppgötvun mínum eyrum var rödd Hrundar sem er sérkennilega seiðandi, ljær væmnustu textum einhverju sexi sem sjaldan heyrist hér og alls ekki í jólalögum. Hún er líka einfær um sárt drama í blúsuðum pörtum eins og Bjöllurnar hringja, krúttlegum barnaskap í samsetningi eins og Kæri stúfur, og jafnvel í gamla slagaranum Hvít jól sem hún syngur með Pálma, gefur hún kunnuglegri laglínu brothættan innileik sem maður taldi víðsfjarri laginu. Mætti maður biðja um gott úrval af sálmum drengir en svona jólalagaglundur. Hrund er til bjargar.Páll Baldvin Baldvinsson Jól með Mannakornum Sígildar jólaperlu. Enn ein jólaplatan – fáguð en full af gömlum hugmyndum. Stjörnur: 2 . Mannakorn á afmælistónleikum. . Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira
Tveir diskar detta í fangið á hlustandanum: Ekki dauðir enn og Jól með Mannakornum. Sá fyrri skrapp úr pressunum í vor og geymir upptökur frá þrítugsafmæli hljómsveitarinnar, hinn seinni nýkominn og geymir sígildar jólaperlur. Báðir diskarnir koma út hjá forlaginu Sögur. Á afmælissafninu eru sextán lög úr safni Magnúsar Eiríkssonar, ýmist sungin af honum sjálfum eða Pálma Gunnarssyni, en þeir bræður eru um langt skeið búnir að vera ásinn í þessu sérkennilega safnbandi sem hefur allar götur frá upphafi verið ögn á skjön við flesta aðra. Þar ræðst mest um söngva Magnúsar sem eru margir orðnir þjóðareign. Hann er einn stórra lagasmiða tuttugustu aldarinnar, þegar búinn að reisa sér marga minnisvarða sem standa svo lengi menn vilja syngja blúsuð raullög. Úr þeirri deildinni er tónlist Magnúsar, samtvinnað lag og ljóð í þreifingu gítaristans uns úr er orðið sönglag sem gefur túlkandanum færi á að dýpka ljóðið enn. Magnús er listamaður af guðs náð - sitji sá skýin. Þá eru fáir íslenskir rafmagnsgítaristar sem hafa sótt sérstaka og sína hljóma inn í hljóðfæri sitt. Það sannast raunar eftirminnilega á þessum hljómleikadiski. Söngrödd hans er ekki eins þýð og Pálma, en megnar þrátt fyrir þröngt svið að ná blæbrigðum sem betri söngvarar eignast bara á óskastundum. Hér er fín blanda af slagarastemningunni, sárari söngvum og skemmtilögum. Alltaf er þetta framborið af ofstækislausri og fágaðri spilamennsku. Taka verður fram glæsilegan þátt Þóris Úlfarssonar á orgel. Margt með nýju eða öðru sniði en áður var og oftast. Bandið gæti látið hærra en býður nettum hljóðheimi Salarins en þarf þess ekki. Það hefur aldrei þurft að láta hátt: eftirminnilegustu ópusarnir eru Enginn eins og þú, Ómissandi fólk og andstöðusöngurinn Göngum yfir brúna. Hinn diskurinn er önnur Anna: líklega meira sprottinn fram fyrir framkvæmdasemi Pálma sem hefur lengi sótt á jólamiðin. Safnið enda smærra, aðeins ellefu lög, flutt af þeim félögum og nokkrum gestasöngvurum: Sigga og Ragnheiði Helgu Pálmabörnum, Hrund Ósk Árnadóttur. Lagasafnið sækja þeir í þann aragrúa jólalaga sem hljómplötuiðnaðurinn hefur komið á framfæri á liðnum áratugum: tvö þeirra eiga þeir Magnús og Pálmi, restin er amerískrar ættar. Allt er hér vel unnið, söngur víða í væmnara lagi, einkum hjá Pálma, Magnús er eins og kyndugur álfur út úr hól, Sigurður og Ragnheiður gera vel. Uppgötvun mínum eyrum var rödd Hrundar sem er sérkennilega seiðandi, ljær væmnustu textum einhverju sexi sem sjaldan heyrist hér og alls ekki í jólalögum. Hún er líka einfær um sárt drama í blúsuðum pörtum eins og Bjöllurnar hringja, krúttlegum barnaskap í samsetningi eins og Kæri stúfur, og jafnvel í gamla slagaranum Hvít jól sem hún syngur með Pálma, gefur hún kunnuglegri laglínu brothættan innileik sem maður taldi víðsfjarri laginu. Mætti maður biðja um gott úrval af sálmum drengir en svona jólalagaglundur. Hrund er til bjargar.Páll Baldvin Baldvinsson Jól með Mannakornum Sígildar jólaperlu. Enn ein jólaplatan – fáguð en full af gömlum hugmyndum. Stjörnur: 2 . Mannakorn á afmælistónleikum. .
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira