Vill gera framhald

Gamanleikarinn Ben Stiller undirbýr nú framhald myndarinnar Zoolander ásamt góðvini sínum, Owen Wilson. Fyrri myndin, sem þeir félagar léku saman í, naut mikilla vinsælda. Fjallaði hún um karlfyrirsætur og ævintýri þeirra. Meðal leikara voru Will Ferrell, Milla Jovovich, Christine Taylor og Jerry Stiller.

„Það er eiginlega erfiðara að vinna saman núna þegar öllum gengur svo vel,“ sagði Stiller. „Allir eru að gera sína eigin hluti og það er erfitt að ná öllum saman.“