Söngvar Ragnheiðar og Hauks 13. desember 2006 16:45 Fallega unnið safn, glæsilega útsett og sungið af smekkvísi en skortir nokkuð drama í túlkun. Stjörnur: 4 Ragnheiður Gröndal er raddfögur kona. Hún hefur á síðustu misserum átt nokkra merkilega ópusa á diskum, raunar báða eftir Megas. Nú hefur hún sent frá sér metnaðarfullt verk sem kenna ætti við þau systkinin, hana og Hauk, sem syngur ekki síður í þessu safni þjóðlaga en hún, á klarinett og bassetthorn. 12 tónar gefa safnið nýja út. Þar útsetja systkinin með Huga Guðmundssyni tónskáldi þekkt íslensk lög. Flest þessi lög eru sprottin úr þjóðlagasafni okkar: Gefðu að móðurmálið mitt, Skjótt hefur sól brugðið sumri, Ljósið kemur langt og mjótt, Fram á reginfjallaslóð, Sof þú blíðust, Blástjarnan, Sofðu unga ástin mín, Vísur Vatnsenda-Rósu með viðbót Jóns Ásgeirssonar og Allt eins og blómstrið eina. Þess utan eru þrjú frumsamin lög eftir Ragnheiði og eitt sænskt þjóðlag. Hljóðfæraskipan er einföld: blástur Hauks, mest á klarinett, er lagður yfir grunn Ragnheiðar á píanó, stöku sláttur lagður með, auk strengjasveitar og kórradda sem Ragnheiður slær í með dönsku selskapi og smá elektróník sem Hugi Guðmundsson leggur til. Hér er semsagt unnið með fá tæki í raddskipan en smekklega, andi texta er dreginn inn í útsetninguna, stemning ljóðs máluð með fáum dráttum í hljóðfærum. Þau teygja sig aftur á forsendu nýrra tíma og færa hingað fram forn stef með nýjum blæ. Söngstíll Ragnheiðar er fallegur, skýrleiki hennar í söng er með afbrigðum góður. Röddin er ómþýð, mild og blíð. Gallinn er sá að túlkun hennar verður víðast nokkuð keimlík. Mörg þeirra ljóða sem hún syngur undurblítt, búa yfir falinni ógn, eins og til dæmis Haustljóð Davíðs Stefánssonar sem hún útsetur af smekkvísi. Í bæði lagi og ljóði er falið meira en hún gefur í ljós í túlkun sinni: Hún nær ekki að byggja inn í sönginn vetrarkvíðann sem Davíð lýsir svo vel: „Fýkur í skjólin, fýkur í gömlu skjólin… Dimmir á fjöllum, dimmir á Íslands fjöllum… Kaldar bárur bylta sér og brotna út við stapa… stjörnurnar hrapa, stjörnurnar mínar hrapa." Þessi texti heimtar skýra túlkun í söng. Rétt eins og kvæði Jóhanns Sigurjónssonar sem hún syngur fallega, en geymir dimma og djúpa skugga sem henni tekst ekki að draga fram svo það nái áhrifum, lýtur það að þroskaleysi raddarinnar á dýpri tónum? Hér eru gamlar perlur sem glitra eins og Blástjarnan sem Engel Lund gerði aftur að virku afli og er hér glæsilega útsett fyrir strengjakvartett; útlegging hennar sjálfrar við sænska þjóðlagið Kristallen den fina sýnir að hún ræður svo ung sem hún er, prýðilega við gerð söngtexta. Ragnheiður er eitt mesta talent sem skotist hefur fram af poppsenunni í langan tíma: vænn hljóðfæraleikari, snotur lagahöfundur, efnilegur textasmiður, með fagra rödd og merkilega víðan metnað. Þetta lýsir sér í lokalögum disksins: útsetningu hennar við ljóð Halldórs Laxness: Vor hinzti dagur er hniginn þar sem laglína heldur vel um hugsun ljóðsins og loks í túlkun þeirra systkinanna á Blómstrinu: hversu lengi hefur maður beðið að ungir túlkendur réðust í þessa andlátskveðju sem þau gera með mikilli næmi styrkt lágstemmdum bakgrunni Huga? Safnið allt lýsir í samantekt sinni skýrri hugsun og metnaði í sköpun. Lagt er inn á gamlar lendur, spilamennska öll er fyrsta flokks og gefum söngkonunni ungu til í þeim skorti á drama sem vantar í sum lögin. Hún á bjarta framtíð, studd glæstum gáfum þeirra systkina beggja. Páll Baldvin Baldvinsson Ragnheiður Gröndal glæsilegasta talent sem hér hefur komið fram í langan tíma. MYND/Valli . Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira
Ragnheiður Gröndal er raddfögur kona. Hún hefur á síðustu misserum átt nokkra merkilega ópusa á diskum, raunar báða eftir Megas. Nú hefur hún sent frá sér metnaðarfullt verk sem kenna ætti við þau systkinin, hana og Hauk, sem syngur ekki síður í þessu safni þjóðlaga en hún, á klarinett og bassetthorn. 12 tónar gefa safnið nýja út. Þar útsetja systkinin með Huga Guðmundssyni tónskáldi þekkt íslensk lög. Flest þessi lög eru sprottin úr þjóðlagasafni okkar: Gefðu að móðurmálið mitt, Skjótt hefur sól brugðið sumri, Ljósið kemur langt og mjótt, Fram á reginfjallaslóð, Sof þú blíðust, Blástjarnan, Sofðu unga ástin mín, Vísur Vatnsenda-Rósu með viðbót Jóns Ásgeirssonar og Allt eins og blómstrið eina. Þess utan eru þrjú frumsamin lög eftir Ragnheiði og eitt sænskt þjóðlag. Hljóðfæraskipan er einföld: blástur Hauks, mest á klarinett, er lagður yfir grunn Ragnheiðar á píanó, stöku sláttur lagður með, auk strengjasveitar og kórradda sem Ragnheiður slær í með dönsku selskapi og smá elektróník sem Hugi Guðmundsson leggur til. Hér er semsagt unnið með fá tæki í raddskipan en smekklega, andi texta er dreginn inn í útsetninguna, stemning ljóðs máluð með fáum dráttum í hljóðfærum. Þau teygja sig aftur á forsendu nýrra tíma og færa hingað fram forn stef með nýjum blæ. Söngstíll Ragnheiðar er fallegur, skýrleiki hennar í söng er með afbrigðum góður. Röddin er ómþýð, mild og blíð. Gallinn er sá að túlkun hennar verður víðast nokkuð keimlík. Mörg þeirra ljóða sem hún syngur undurblítt, búa yfir falinni ógn, eins og til dæmis Haustljóð Davíðs Stefánssonar sem hún útsetur af smekkvísi. Í bæði lagi og ljóði er falið meira en hún gefur í ljós í túlkun sinni: Hún nær ekki að byggja inn í sönginn vetrarkvíðann sem Davíð lýsir svo vel: „Fýkur í skjólin, fýkur í gömlu skjólin… Dimmir á fjöllum, dimmir á Íslands fjöllum… Kaldar bárur bylta sér og brotna út við stapa… stjörnurnar hrapa, stjörnurnar mínar hrapa." Þessi texti heimtar skýra túlkun í söng. Rétt eins og kvæði Jóhanns Sigurjónssonar sem hún syngur fallega, en geymir dimma og djúpa skugga sem henni tekst ekki að draga fram svo það nái áhrifum, lýtur það að þroskaleysi raddarinnar á dýpri tónum? Hér eru gamlar perlur sem glitra eins og Blástjarnan sem Engel Lund gerði aftur að virku afli og er hér glæsilega útsett fyrir strengjakvartett; útlegging hennar sjálfrar við sænska þjóðlagið Kristallen den fina sýnir að hún ræður svo ung sem hún er, prýðilega við gerð söngtexta. Ragnheiður er eitt mesta talent sem skotist hefur fram af poppsenunni í langan tíma: vænn hljóðfæraleikari, snotur lagahöfundur, efnilegur textasmiður, með fagra rödd og merkilega víðan metnað. Þetta lýsir sér í lokalögum disksins: útsetningu hennar við ljóð Halldórs Laxness: Vor hinzti dagur er hniginn þar sem laglína heldur vel um hugsun ljóðsins og loks í túlkun þeirra systkinanna á Blómstrinu: hversu lengi hefur maður beðið að ungir túlkendur réðust í þessa andlátskveðju sem þau gera með mikilli næmi styrkt lágstemmdum bakgrunni Huga? Safnið allt lýsir í samantekt sinni skýrri hugsun og metnaði í sköpun. Lagt er inn á gamlar lendur, spilamennska öll er fyrsta flokks og gefum söngkonunni ungu til í þeim skorti á drama sem vantar í sum lögin. Hún á bjarta framtíð, studd glæstum gáfum þeirra systkina beggja. Páll Baldvin Baldvinsson Ragnheiður Gröndal glæsilegasta talent sem hér hefur komið fram í langan tíma. MYND/Valli .
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira