Drógu félagann úr bílflakinu

Enn er unnið að rannsókn máls Pólverjanna tveggja sem voru í bíl með félaga sínum sem lést eftir árekstur við vegartálma á Reykjanesbraut.

Ekki hefur verið upplýst hver mannanna þriggja ók bílnum.

Þeir tveir sem eftir lifðu höfðu dregið þann sem lést út úr bílnum þegar lögregluna kom á vettvang.

Lögreglan í Hafnarfirði bíður nú eftir niðurstöðum úr ýmsum rannsóknum, meðal annars á blóðprufum úr mönnunum sem grunaðir eru um ölvun við akstur.

Hugsanlegt er talið að ákært verði í málinu fyrir manndráp af gáleysi.

Mennirnir tveir eru enn í farbanni. Þeir eru hálfþrítugir, eins og sá sem lést.