U2 vinnur dómsmál

Írska hljómsveitin U2 hefur unnið dómsmál sem hún höfðaði gegn fyrrverandi útlitshönnuði sínum, Lolu Cashman. Var hún sökuð um að hafa tekið muni í eigu sveitarinnar án leyfis á meðan á tónleikaferð hennar stóð vegna Joshua Tree-plötunnar árið 1987.

Meðal þess sem hún hafði í fórum sér var kúrekahattur sem Bono notaði ásamt fleiri fötum. Lola hélt því fram að hún hefði fengið munina að gjöf frá Bono. Hann var ekki á sama máli og kom fyrir rétt á Írlandi þar sem hann sagðist ekki hafa gefið henni neitt. Verðmæti munanna er talið vera um 450.000 krónur.