Fredrik Reinfeldt, nýbakaður forsætisráðherra Svíþjóðar, sagði í gær að nýju ríkisstjórnina ættu menn að dæma af verkum hennar, en ekki af því að tveir ráðherrar hennar hefðu sagt af sér strax á fyrstu dögum stjórnarinnar.
„Það sem skiptir máli er sá árangur sem við náum í málaflokkum á borð við atvinnuleysi og þróun velferðarríkisins.“
Þetta sagði Reinfeldt í Kaupmannahöfn í gær, þar sem hann hitti að máli starfsbróður sinn, Anders Fogh Rasmussen.
