Tíminn og vatnið

Háskólatónleikar vikunnar verða í Norræna húsinu á mörgun og hefjast kl. 12.30. Þar flytur Kammerkór Langholtskirkju Tímann og vatnið eftir Stein Steinarr við tóna Jóns Ásgeirssonar. Jón samdi lagaflokk við hluta þessa óræða kvæðis 1968 sem hann endurskoðaði 1772. Fimm árum síðar lauk hann við að skrifa tónlist fyrir öll kvæði flokksins og helgaði hann Elísabetu konu sinni. Var verkið frumflutt af Hamrahlíðarkórnum 1987.

Jón studdi sig í tónsmíðum við þá sögn að Tíminn og vatnið sé í raun ástarkvæði. Hefur sú skoðun verið rökstudd af seinni tíma mönnum en vinir Steins á þeim tíma voru aldrei í vafa að kvæðið ætti sér kveikju í sumardvöl þeirra Nínu Tryggvadóttur og Louisu Mattíasdóttur í Unuhúsi í skjóli Ragnars í Smára. Þar var Steinn fastagestur og voru málaðar af honum myndir þetta sumar. Jón segir það auka mönnum skilning á kvæðinu sé það lesið sem ástarljóð.