Fimmtíu og einn bílstjóri kærður

Fimmtíu og einn ökumaður var kærður fyrir of hraðan akstur á Akureyri í fyrradag. Ástæðan fyrir þessum mikla fjölda kæra var sérstakt eftirlit lögreglunnar á götum við Glerárskóla og Brekkuskóla þar sem hámarkshraði er þrjátíu kílómetrar á klukkustund. Þrír eiga von á að verða sviptir ökuréttindum í einn til tvo mánuði.

Lögreglan á Akureyri hefur stöðvað yfir sextán hundruð ökumenn fyrir of hraðan akstur það sem af er þessu ári, fjögur hundruð fleiri en á sama tíma í fyrra.