Grunsemdir um barnaklám

Húsleit var gerð á fimm heimilum víðsvegar um landið í gærmorgun vegna ábendinga frá Interpol um niðurhal og vörslu á barnaklámi. Lögreglan í Reykjavík, Kópavogi, á Selfossi og Ísafirði lögðu hald á töluvert af tölvum, tölvudiskum og öðrum tengdum búnaði sem gæti hjálpað til við rannsókn málsins.

Í Reykjavík var farið inn á tvö heimili, en á eitt á hinum stöðunum. Hinir grunuðu voru teknir til yfirheyrslu en sleppt að þeim loknum. Ekki liggur fyrir hvort tengsl séu á milli málanna. Búnaðurinn verður rannsakaður í Reykjavík.